मनातलं …

जागतिक कॉमेंट्स वाचक संघटना (WCRA - वक्र) याचा लाईफटाइम सदस्य असल्याच्या नात्याने मी हे सांगू इच्छितो की खरा कॉन्टेन्ट सोशल मीडियावरील पोस्ट नसून त्या पोस्टवरील कॉमेंट्स असतात. पण गेल्या काही वर्षात कॉमेंट्सचा दर्जा अतिसामान्य आणि फारच कंटाळवाणा झाला आहे. ईमोजी/स्टिकर इत्यादीच्या अतिवापरामुळे सविस्तर कॉमेंट्स लिहिण्याची कला नामशेष होईल की काय असं वाटतं. 'वक्र'च्या जुन्या सदस्यांना आठवत असेल, 10-12 वर्षांपुर्वी इ-सकाळच्या 'मुक्तपीठ' या सदराखाली येणाऱ्या लेखांवर कॉमेंट्सने धुमाकूळ घातला होता. सकाळच्या वेबसाईटवर पब्लिश होणारे लेख हे फक्त कॉमेंट्स वाचण्यासाठी आहेत की काय इतक्या कॉमेंट्स त्यावर येत असे, त्यात 'मुक्तपिठ'ची तर बात औरच! 'ललित' प्रकारात किंवा 'प्रवासवर्णन' म्हणून लिहिले जाणारे लेख तसे साहित्यिकदृष्ट्या फारच बाळबोध असायचे, पण मजा यायची त्यावरील कॉमेंट्स वाचताना. प्रत्येक लेखाची कॉमेंट्सने केलेली चिरफाड पाहून लेखकाने पुन्हा काही लिहिलं नसेल तर आश्चर्य वाटू नये. तसंच काहीतरी चालायचं क्रीकइन्फोवर - क्रिकेटची ओजी लाईव्ह स्कोरिंग वेबसाइट. त्याव...

जगाच्या नकाशावर कुठेच नसलेलं एक गाव. त्या गावात रस्ता चुकून आलेले आणि अडकलेले लोकं. गावाबाहेर जात असले तरी पुन्हा गोल फिरून गावात आणणारे चमत्कारिक रस्ते. रात्री घराबाहेर जमणारे मानवसदृश अजब क्रिएचर्स. गावातील लोकांची रोज जगण्याची तगमग आणि तेवढीच अनिश्चितता. प्रत्येक एपिसोडमधून गावाच्या आणि क्रिएचर्सबद्दल उलगडत जाणारी गूढता. पण झालेल्या उलगडेतून पुन्हा उभे राहणारे नवीन प्रश्न! असं साधारण स्वरूप आहे प्राईम व्हिडिओवरच्या फ्रॉम(FROM) या वेबसिरीजच. सिरीजचं नावच अर्धवट वाटतं. From where , From what. नावातच इतकं रहस्य आहे की कथेमध्ये रहस्येचा खजाना आहे. लॉस्ट टीव्ही सिरीज ज्यांना आवडली होती त्यांना ही सिरीज नक्की आवडेल, लॉस्टच्याच लेखकांनी ही सिरीज लिहिली आहे, त्यामुळे लॉस्टसारखंच रहस्य उलगडायला 5 ते 6 सिझिनची वाट पहावी लागेल एवढं मात्र नक्की! - धीरज

डिस्टोपिअन फ्युचरच्या कुकरमध्ये स्टार वॉर्स आणि डुनचे डाळ-तांदूळ टाका,  ब्लेडरनरचे आणि मॅट्रिक्सचे मसाले टाकून व्यवस्थित मिक्स करून घ्या, चवीनुसार अवतार आणि क्रीशचे मीठ टाका आणि महाभारताच्या मंद आचेवर 3 तास शिजू द्या आणि अवेनजर्स एंडगेमची एक छानशी शिटी घेऊन गॅस बंद करा. या अशा खिचडीचा प्रभासच्या ओव्हरएक्टिंगच्या गुळचट लोणच्यासोबत आस्वाद घ्या!

इसवी सन १०१९१.  दुरदूरपर्यंत वाळवंट असणारा ग्रह अराकीस, डूनच्या विश्वात अनन्यसाधारण महत्व असणाऱ्या अराकीसच्या वाळवंटाच्या वाळूतील "स्पाइस", या स्पाइसमुळे निळसर झालेल्या डोळ्यांचे फ्रेमन लोक, वाऱ्याच्या वेगाने सळसळत वाळवंटात फिरणारे अवाढव्य सँडवोर्म. या ग्रहावर नियंत्रण मिळविण्यासाठी दोन घराण्यात चालणारं राजकारण आणि त्यातुन होणारे युद्ध, बेनी गेसेरिट नावाच्या स्त्रियांच्या गटाने फ्रेमन आणि एकंदर पूर्ण विश्वावर ठेवलेला धर्माचा पगडा, या अशा डूनच्या विश्वात येतो पॉल अट्रेडीझ. फ्रेमन लोकांनी मानलेला मसीहा. एक युगप्रवर्तक. वाळवंटाचा राजा. फ्रेमनचा अल-माहदी. मुआदीब उसुल, याच विश्वात असते बेनी गेसेरिटने पसरवलेल्या धर्माचा धिक्कार करणारी, मसीहाच्या आख्यायिका न मानणारी. पण पॉलवर जीवापाड प्रेम करणारी, फ्रेमनच्या सैन्यात लढणारी. रणांगिनी चानी. Denis Villeneuveने जे डुनच विश्व उभं केलंय ते Game Of Thrones आणि Star Warsच्या तोडीचं आहे. एकदा या विश्वाची सफर घ्यायलाच पाहिजे! - धीरज (०४-०३-२०२४)

मार्व्हलच्या कल्पोकल्पित विश्वातील एक गूढ आणि रंजक पात्र. ऍसगार्ड या जगाचा राजा व युद्धदेवता ओडिनने दत्तक घेतलेला पण आपल्या मुलासारखा वाढवलेला हा लोकी. मेघदेवता असलेला त्याचा भाऊ, थॉरबद्दल त्याला नेहमीच असूया असते. एकीकडे थॉर ताकत वाढविण्यात भर देत असतो तर लोकीची मदार असते जादुई शक्ती प्राप्त करणे व फसवणूक किंवा लबाडीने समोरच्याला नामोहरम करणे यावर. म्हणूनच त्याला "गॉड ऑफ मिसचीफ" म्हणून ओळखले जाते. क्षणार्धात रूपं पलटणे, समोरच्याच्या मनावर ताबा मिळवणे अशा काही शक्ती तो बाळगून असतो. मार्व्हलच्या सुरुवातीच्या सिनेमांत लोकी एक उथळ, सत्तापिपासू ,मत्सरी, कपटी खलनायक म्हणून समोर येतो; थॉरऐवजी ऍसगार्डचा राजा होण्यासाठी वेगवेगळे कट आखतो पण नंतर हाच लोकी आपल्या भावासोबत थॅनोसविरुद्ध लढतानाही दिसतो आणि शेवटी थॅनोसच्या हातून मरण पावतो. तेव्हा लोकी कसाही असला तरी थोडंतरी वाईट वाटतच आणि कित्येकदा मृत्यूचं ढोंग केलेला लोकी आताही असंच काहीतरी करत असणार असं वाटत राहतं पण यावेळी तो खरंच काळाच्या पड्याआड गेलेला असतो. लोकी या पात्राची खरी बाजू उलगडून निघते ती डिस्नीने 2 भागात आणलेल्या "लोक...

डार्क. जवळपास दीड डझन पात्र. प्रत्येक पात्राचे 3 टाइमलाईनमधील वेगवेगळे रूप. सर्व पात्र एकमेकांशी नात्याने किंवा प्रसंगाने जोडलेले. त्यात काहीएक पात्र टाइमट्रॅव्हल करून एकतर भूतकाळात किंवा भविष्यकाळात अडकलेले. रहस्यमयी धार्मिक व फिलॉसॉफीकल अंडरटोन. Inception, Primer सारख्या सिनेमांची गुंतागुंत बाळबोध वाटावी इतकं कॉम्प्लेक्स कथानक. सायन्स-फिक्शन व थ्रिलरशिवाय अधूनमधून डोकावणारा हॉरर व सुपरनॅचरल genre. ही आहे थोडक्यात ओळख नेटफलिक्सच्या वेब सीरिज 'डार्क'ची. एकदा का तिच्या काळोखात हरवला की बाहेर येणं कठीण! बघा एकदा आजमावून! धीरज

नोट: सदर लेखातून कोणत्याही रिक्षावाल्याच्या किवा तत्सम व्यक्तींच्या भावना दुखावण्याचा हेतू नाही. निव्वळ निरीक्षणात आलेल्या काही बाबी मांडण्याचा एक प्रयत्न मी करत आहे.             ‘नाशिकचा रिक्षावाला’ असे शब्द कानावर पडताच, माझ्या डोळ्यांसमोर मोठ्या आवाजात वाजणारी गाणी, अलिशान आणि रंगीबेरंगी sit असलेली, समोरील काचेवर कोणत्यातरी पक्षाच्या अध्यक्षाचा फोटो असलेली रिक्षा; आणि लालभडक शर्ट , monkey wash(wash जरा जास्तच हं!) पिवळ्या किंवा हिरव्या रंगाची जीन्स व paragon ची slipper घातलेला, गळ्यात ब्लेड किवा बंदूक असलेली चैन , एका हातात सलमान styleच braslet आणि दुसऱ्या हातात खूप साऱ्या देवांचे ताईत असलेला, china mobile वर गाणी वाजणारा रिक्षावाला उभा राहतो.              नाशिकच्या रिक्षावाल्यांमध्ये पंचविशीच्या आसपासचा तरुण मोठ्या प्रमाणात दिसतो. हा रिक्षावाला एका राजकीय पक्षाचा सच्चा पुरस्कर्ताही असतो. रिक्षातल्या एका side mirror वर त्या पक्षाचा लहानसा झेंडा फडकत असतो. या राजकीय ‘संबंधां’चा परिणाम की काय... त्याच्या बोलण्यात ‘भाऊ...

जुलैच्या शेवटच्या आठवड्यात Engg. च शेवटचं वर्ष सुरु झाल. त्याचबरोबर प्रत्येकाला placement ची चाहूल लागली. आमच्या group मधे सर्वप्रथम कोण placed होईल याची group मधल्या प्रत्येकाला उत्सुकता होती. बऱ्याच Company ची apti. दिल्यानंतर सप्टेंबरच्या दुसऱ्या आठवड्यात आमच्या group चा placement चा नारळ फुटला; अनिकेत जोशी हा सदाशिव पेठेतील देशस्थ placed झाला होता. आमच्या group मधे आनंदाचं वातावरण होत. कारण अनिकेत placed झाला म्हणून नाही तर आमचीही जोरदार पार्टी होईल म्हणून. परंतु या आनंदावर १-२ दिवसांत लगेच विरजण पडलं. CGPA ९.२ असलेल्या अनिकेतने midsem exam आणि endsem exam च कारण देऊन डिसेम्बर मधे पार्टी द्यायचं ठरवलं. End semister Exam होईपर्यंत आमच्यातील बरेच जण placed झाले होते. पण प्रत्येकाची पार्टी वेगळी असेल आणि placed झालेल्या क्रमाने असेल असा आम्ही ठरवले होते. म्हणून अनिकेत कधी पार्टी देतो उंची आम्ही अधीरतेने वाट पाहू लागलो. End Sem exam संपून १५ दिवस झाले तरी अनिकेत ने पार्टी च नाव काढलं नव्हत. पण अचानक एक दिवस सूर्य पश्चिमेकडून उगवावा अस घडलं. अनिकेतने “रविवारी पार्टी” असा sms केल...