जागतिक कॉमेंट्स वाचक संघटना (WCRA - वक्र)

जागतिक कॉमेंट्स वाचक संघटना (WCRA - वक्र) याचा लाईफटाइम सदस्य असल्याच्या नात्याने मी हे सांगू इच्छितो की खरा कॉन्टेन्ट सोशल मीडियावरील पोस्ट नसून त्या पोस्टवरील कॉमेंट्स असतात. पण गेल्या काही वर्षात कॉमेंट्सचा दर्जा अतिसामान्य आणि फारच कंटाळवाणा झाला आहे. ईमोजी/स्टिकर इत्यादीच्या अतिवापरामुळे सविस्तर कॉमेंट्स लिहिण्याची कला नामशेष होईल की काय असं वाटतं. 'वक्र'च्या जुन्या सदस्यांना आठवत असेल, 10-12 वर्षांपुर्वी इ-सकाळच्या 'मुक्तपीठ' या सदराखाली येणाऱ्या लेखांवर कॉमेंट्सने धुमाकूळ घातला होता. सकाळच्या वेबसाईटवर पब्लिश होणारे लेख हे फक्त कॉमेंट्स वाचण्यासाठी आहेत की काय इतक्या कॉमेंट्स त्यावर येत असे, त्यात 'मुक्तपिठ'ची तर बात औरच! 'ललित' प्रकारात किंवा 'प्रवासवर्णन' म्हणून लिहिले जाणारे लेख तसे साहित्यिकदृष्ट्या फारच बाळबोध असायचे, पण मजा यायची त्यावरील कॉमेंट्स वाचताना. प्रत्येक लेखाची कॉमेंट्सने केलेली चिरफाड पाहून लेखकाने पुन्हा काही लिहिलं नसेल तर आश्चर्य वाटू नये.

तसंच काहीतरी चालायचं क्रीकइन्फोवर - क्रिकेटची ओजी लाईव्ह स्कोरिंग वेबसाइट. त्यावर येणाऱ्या प्रत्येक लेखाखाली कॉमेंट्स वॉर सुरू असायचं, प्रत्येक जण एकमेकांवर आपापल्या फेवरेट क्रिकेटरचे स्टॅट मारून फेकायचे, किती कॉमेंटवीर यात घायाळ व ठार झाले कुणास ठाऊक. हे इतकं वाढलं होत की क्रीकइन्फोने वेबसाईटवरचा कॉमेंट्स सेक्शनच काढून टाकला. या सर्वात अजूनही टिकून आहे रेडिट! सबरेडिटच्या नियमांमुळे दर्जाहीन व फालतू कॉमेंट्स डिलीट किंवा डाऊनवोट केल्या जातात आणि टॉपच्या कॉमेंट्स सहज वाचता येतात. बऱ्याचदा सिरीयस सबरेडिटवर सविस्तर कॉमेंट्स लिहिल्या जातात आणि कुठंही फेबु/इंस्टासारखा उथळपणा नसतो. तर अशी कॉमेंट्स वाचण्याची संस्कृती आपण जपली पाहिजे, वाढवली पाहिजे.

- धीरज (१२-११-२०२४)

Comments

Post a Comment

Popular posts from this blog

'धाव'पळ'

संपल्यात हद्दी, संपल्यात वाटा, कितीही धावता, मी दमलोच नाही; धावण्याचा असा उन्माद झाला, बाकी आमिषास, मी भ्रमलोच नाही; ​असा झिजला देह, नाही उरले त्राण, कुठल्याही त्रासास, मी नमलोच नाही; ​नसे मनात काही, कुठलीच स्पर्धा, कुणा हरविण्या, मी रमलोच नाही; ध्येय गाठूनी ​आजचे, पुन्हा सुरुवात, धावण्यास ध्येयामागे, मी थांबलोच नाही. - धीरज (१७-०९-२०२५)
Read more

Running dilemma

To be or not to be that's the question, पळावे की नाही पळावे हा एकच सवाल आहे, टाऊनस्क्रिप्टच्या उकिरड्यावर शोधत रहाव्यात नवनवीन मॅरेथॉन इव्हेंट्स बेशरम लाचार आनंदाने, की फेकुन द्यावे ते बीब, गुडी बॅगमध्ये गुंडाळलेल्या टीशर्टसह, कचर्‍याच्या टोपलीत आणि विसरून जावे सर्व इवेंट्स, मुंबईचे, दिल्लीचे आणि पुण्याचेसुद्धा...! इंजुरीच्या महासर्पाने असा डंख मारावा की नंतर येणाऱ्या इवेंटचा विसर पडावा कायमचाच, पण मनातल्या रनरलाच PB ची स्वप्न पडू लागली तर...? इथेच मेख आहे... नवीन रेकॉर्ड करण्याचा धीर होत नाही म्हणून आम्ही सहन करतो रात्रीच जागेपण, सहन करतो इझीच्या नावाखाली होणारे रविवारचे लाँग टेम्पो रन, सहन करतो प्रेताच्या निर्जीवपणाने पायांवर होणारे अत्याचार, गार्मिनच्या अल्गोने सत्वाची होणारी रोज विटंबना, आणि अखेर खूप साऱ्या इंजुरी घेऊन उभे राहतो खालच्या मानेने आपल्याच कोचच्या दाराशी! विधात्या, तू इतका कठोर का झालास, एका बाजूला ज्यांना इंस्टावर फॉलो करून आम्ही रनिंग सुरू केली, ते जिमर झाले, आणि दुसऱ्या बाजूला आमच्या नंतर रनिंग सुरू करणारे अल्ट्रा करू लागले, तर स्ट्रावाच्या विस्कटलेल्या शेकडो ॲक्...
Read more

नाशिकचा रिक्षावाला

नोट: सदर लेखातून कोणत्याही रिक्षावाल्याच्या किवा तत्सम व्यक्तींच्या भावना दुखावण्याचा हेतू नाही. निव्वळ निरीक्षणात आलेल्या काही बाबी मांडण्याचा एक प्रयत्न मी करत आहे.             ‘नाशिकचा रिक्षावाला’ असे शब्द कानावर पडताच, माझ्या डोळ्यांसमोर मोठ्या आवाजात वाजणारी गाणी, अलिशान आणि रंगीबेरंगी sit असलेली, समोरील काचेवर कोणत्यातरी पक्षाच्या अध्यक्षाचा फोटो असलेली रिक्षा; आणि लालभडक शर्ट , monkey wash(wash जरा जास्तच हं!) पिवळ्या किंवा हिरव्या रंगाची जीन्स व paragon ची slipper घातलेला, गळ्यात ब्लेड किवा बंदूक असलेली चैन , एका हातात सलमान styleच braslet आणि दुसऱ्या हातात खूप साऱ्या देवांचे ताईत असलेला, china mobile वर गाणी वाजणारा रिक्षावाला उभा राहतो.              नाशिकच्या रिक्षावाल्यांमध्ये पंचविशीच्या आसपासचा तरुण मोठ्या प्रमाणात दिसतो. हा रिक्षावाला एका राजकीय पक्षाचा सच्चा पुरस्कर्ताही असतो. रिक्षातल्या एका side mirror वर त्या पक्षाचा लहानसा झेंडा फडकत असतो. या राजकीय ‘संबंधां’चा परिणाम की काय... त्याच्या बोलण्यात ‘भाऊ...
Read more